पुणे, २८ जून: टू बीएचके डायनर अँड की क्लबचे निलंबित मद्य परवाने दोन आठवड्यांत तातडीने निकाली काढण्याचे आदेश मुंबई उच्च न्यायालयाने पुणे जिल्हाधिकाऱ्यांना दिले आहेत. मालक डॉ. हेरंब शेळके यांनी दाखल केलेल्या रिट याचिके नंतर हा आदेश देण्यात आला आहे.
पुणे पोर्श अपघात प्रकरणामुळे हे परवाने निलंबित (Pune News) करण्यात आल्याने आस्थापनाचे मोठे आर्थिक नुकसान झाले होते. रेस्टॉरंट चालक आणि कर्मचाऱ्यांनी आवाहन आणि विरोध करूनही निलंबन कायम आहे.
उच्च न्यायालयाच्या या निर्णयामुळे डॉ. शेळके व बाधितांना दिलासा मिळाला असून, कायदेशीर कामकाजासाठी कटिबद्ध असल्याचे त्यांनी स्पष्ट केले. या निर्णयामुळे संबंधितांच्या व्यवसायावर आणि उपजीविकेवर सकारात्मक परिणाम होण्याची शक्यता आहे.