महाराष्ट्र हवामान: महाराष्ट्रात मान्सूनने पुन्हा एकदा जोर धरला आहे. यंदा राज्यात मान्सूनचे अकाली आगमन झाले असले तरी सुरुवातीला मान्सून दाखल झाल्यानंतर कमी झाला. (Mumbai Weather Update) आठवडाभराच्या विश्रांतीनंतर मान्सूनने पुन्हा जोर धरला असून, मुसळधार पावसाचे संकेत मिळत आहेत. अरबी समुद्रातून येणारे मोसमी वारे पावसासाठी अनुकूल परिस्थिती निर्माण करीत आहेत. येत्या ४८ तासांत संपूर्ण महाराष्ट्रात मुसळधार पावसाचा अंदाज हवामान खात्याने वर्तवला आहे.
विदर्भातील जिल्ह्यांमध्ये तुरळक ठिकाणी विजांच्या कडकडाटासह वादळ, सोसाट्याचा वारा (40-50 किमी प्रतितास वेग) आणि मध्यम पाऊस पडण्याची शक्यता आहे.
— Regional Meteorological Center,Mumbai (@RMC_Mumbai) June 18, 2024
तपशीलवार जिल्हानिहाय हवामान अंदाज व चेतावणीसाठी कृपयाhttps://t.co/jw7yrf9chD भेट घ्या. pic.twitter.com/TDRADR2KtW
मुंबईच्या उपनगरात अनेक दिवसांच्या कडक उन्हानंतर पावसाने पुनरागमन केल्याने दिलासा मिळाला आहे. सोमवारी मुंबईतच नव्हे तर कोकणातही पावसाने हजेरी लावली. कोकणात आज आणि उद्या मुसळधार पावसाचा यलो अलर्ट जारी करण्यात आला आहे.
विदर्भाप्रमाणेच पश्चिम महाराष्ट्रातील पुणे (Pune Weather Update) आणि साताऱ्यातही (Satara Weather Update) पावसाचा यलो अलर्ट देण्यात आला आहे.
